Le coléctif Bilaka
Mis à jour le 27 janvier 2023
Assoutrai a l’éstudio Oldeak a Bayone, Bilaka ét ine parçounerie d’artistes çhi émouvant é passant lés dances é musiques tradiciounales daus Péyis basque. La Réjhiun acote çhéte cunpagnie pr sa poulitique çhulturale pr lés parlanjhes çhulturàus réjhiounàus pi de l’éspéctaclle vivant.
Vivàe pi passàe lés dances pi musiques basques
La parçounerie Bilaka, funsàie pr la Réjhiun Novéle-Aguiéne, ét assoutràie au çheùr de la Citai daus Arts, den l’éstudio Oldeak, in palét pr la dance den la Vile de Bayone. L’éstudio ét éçhipai ac daus afutiàus de prmére fasus pr la pratique de la dance.
Bilaka ordre sen ouvrajhe entor de :
- la criaciun d’éspéctaclles d’encritures novéles su dau patrimoene imatériàu basque ;
- la passance çhulturale, durant lés groueries populaeres pi lés bals tradiciounàus çhi aedant pr le lian souciàu pi la pratique vivante de la çhulture basque ;
- l’atisajhe é la passance devér lés jhénes é lés amatours (éstajhes, atelàes, éncitaciun). La parçounerie encouvit étou d’abenàe lés comeyajhes entr métàes pr daus açheùllances en éstudios.
Aneùt, en comeyajhe ac la Séne naciounale dau Sud-Aguién, la parçounerie ét étou riortàie ac la Fédéraciun de dance basque IDB (Iparraldeko Dantzarien Biltzarra), le Cunsarvatoere Maurice Ravél Péyis Basque, é travalle étou ac Martin Harriague, fasour de dances parçounàe ac le Séjhe naciounàu Malandén Balét Biarice. D’afile sen abenajhe, o s’ennanjhe ses fétis en réjhiun paréll queme a l’adrét dau naciounàu é de l’éntrnaciounàu (Italie, Québéc).
Vrae anbassadour dau Péyis basque, Bilaka porte l’émajhe d’ine çhulture vivante, marcàie den sun tenp, forte de sen identetai pi ovérte su le munde.
Meù o queneùtre
