Kanaldude

Ine WebTV, ol ét in chenàu que lés prougrames sant ennanjhais rén que su la téle. La WebTV Kanaldude, ol ét in chenàu pr étre de part apuntàie a Bidarray en Basse-Navare çhi ennanjhe daus prougrames rén qu’en parlanjhe basque.
Kanaldude sit créyai en 1987 pr Mikel Erramouspé queme parçounerie. Le chenàu fasit sun prmàe prougrame audiovisuàu den la hàute valàie daus Aldudes. Ol ét de çheù que le num dessort, ine jhouerie de mots çhi veùt dire « Le Chenàu daus Aldudes ». Denpis 2010, la parçounerie sit chanjhàie en sociétai copérative d’éntéraet coléctif (SCIC). Sés prougrames sant ennanjhais su le chenàu publlic de Novéle-Aguiéne NoA, pi étou si le posce de sérvice publlic Euskal Telebista pi su daus chenàus locàus de la TNT qu’o séjhe TVPI, Xaloa obe Hamaika.

En 2019, le chenàu oghit entor de 250000 vesitours su sun marea, qu’o dissit la réjhie de récllame Hedabideak çhi menajhe lés médias voure o se cause basque.

Kanaldude ét in chenàu de part é, pr çheù, l’ét parçounàe de la Fédéraciun de l’audiovisuàu de part. Le chenàu aquevalle pi forme lés téléspéctatours qu’o velant pr avisounàe pi présentàe daus prougrames télévisuàus en basque.
Ol ét in chenàu jhénéralisce çhi ennanjhe daus prougrames de totes éstaméles : reportajhes, doçhumentaeres, ésport obe çhulture en diréc, jhoueries télévisàies obe causeries. Lés prougrames sant ennanjhais su Kanaldude en diréc a cha jhor entr sis eùres dau sér pi unze eures dau sér, pi pevant étre veyus enpràe en VOD.

Kanaldude ét acotai pr la Réjhiun Novéle-Aguiéne que l’at paterafai in Cuntrat de butàes pi de moyéns avéc, de l’Ofice publlic dau parlanjhe basque pi dau Borc Péyis basque. Kanaldude receghit étou l’acot de la coumune de Bidarray pr s’énstalàe en 2017.
Kanaldude ét de part den l’abenajhe de l’audiovisuàu de Novéle-Aguiéne pr daus cunvenciuns d’écrits paterafàies ac daus trovours réjhiounàus pi daus achetis a l’avance é daus achetis de prougrames acordais en cuntrat ac daus afiours apuntais den la réjhiun.